“Aji
Rego”
(Sholeh & Akrom Kaping 29)
oleh: Sahal Japara
Akrom: “Aku nek udan-udan ngene iki lho Leh hawane
ruoso-ruoso ngopo-ngopo. Pengene neng kamar terus, leyah-leyeh enak tenan.”
Sholeh: “Yo manusiawi.”
Akrom: “Tapi nek manusiawi dienggo alasan terus yo ora
gathuk to Leh.”
Sholeh: “Lhaiyo wes ngerti ngono kok.”
Akrom: “Hehe ngerti tapi gak dilakoni, lha piye maneh?”
Sholeh: “Iku yo wes pancen gawane menungso nduwe nefsu
seng condonge maring enak-enakan. Soyo dituruti ora malah mari malah kepengene
tuambah ora karu-karuan. Kados opo seng pernah dingendikakke Syekh Muhammad
Sa’id al-Bushoiri neng Qosidah Burdah:
النَّفْسُ كَالطِّفْلِ إِنْ
تُهْمِلْهُ شَبَّ عَلَى :: حُبِّ الرَّضَاعِ وَإِنْ تَفْطِمْهُ يَنْفَطِمِ[1]
Kang
artine: “Nefsu iku koyodene
bocah cilik, lamun mbok turuti yo soyo nagehi, lamun mbok sapeh yo nde’e biso
sinapeh.”
“Dalan siji-sijine yo pancen merangi lan ngelawan supoyo
nde’e tunduk-takluk karo opo seng diajarke deneng Kanjeng Rasul Shollallahy
‘alayhi wasallam.”
Akrom:
“Allahumma sholli ‘alayh. Iyo pancen bener kandamu Leh. Nefsu iku sansoyo dituruti
pancen sansoyo nagehi, nisbate lemah seng nageh banyu terus-menerus. Rumangsaku
yo ngono, tak kiro nuruti nefsu ki ben nefsune reda, e jebul ora. Ndung malah
tambah mbulat-mbulat ndak. Koyodene nek pas aku arep ngelakoni duso, ngonoiku
nurani seng pol jeru iku berontak, tapi mesthi kalah mbek nefsu wong nde’e muni
ngene wae kok: halah sepisan wae kok, kanggo tombo! Wes, bar iki wes! Nek bar
ngelakoni duso, banjur gelo.”
Sholeh:
“Nah iki!”
Akrom:
“Iki opo Leh?”
Sholeh:
“Iki senjatane setan. Nde’e senenge maes-maesi supoyo barang seng sejatine elek
ki banjur ketok apik. Senengane ngrayu, ngridu lan ngrekodoyo kerono nde’e
pengen ndadekno menungso dadi bolo mbesuk ono ing neroko seng mbendino muni
njaluk tambah kerono iseh lego. Dadi nek diumpamakke, wong seng ngelakoni duso
iku gejegur blumbang neroko. Semangsane nde’e kepengen taubat kepengen metu
songko blumbang, nde’e digeret setan supoyo gejegur akhire ora biso menang.
Tambah siji maneh Krom.”
Akrom:
“Opo iku?”
Sholeh:
“Ngende-ngende ngelakoni keapikan sinambi ngenteni wektu seng pas kanggo
ngawiti, iki yo senjatane setan seng paling ampuh kanggo mbujuk menungso ben
gelem diapusi.”
Akrom:
“Waduh, aku banget ik.”
Sholeh:
“Mulane nek awak dewe pengen nduwe قِيْمَةٌ ajirego ing ndalem ngarsane Gusti, sarate ono
telu Krom.”
Akrom:
“Opo wae Leh?”
Sholeh:
“Sarat kang nomer siji awak dewe kudu iso قَامَ.
Artine opo?”
Akrom:
“قَامَ dak jumeneng utowo ngadek a Leh?”
Sholeh:
“Iyo, ngadek lan tangi songko turu, bangun jiwane ndisik nuli bangun ragane
koyo lagu Indonesia Raya: bangunlah jiwanya bangunlah badanya untuk Indonesia
Raya. Nek wes iso قام, banjur sarat sakbakdane kudu iso أقَامَ.
Awakmu ngerti artine Krom?”
Akrom:
“أقام الصّلاة, njumenengake shalat. Njumenengake tah
Leh?”
Sholeh:
“Iyo Krom. Njumenengake masyarakate seng iseh podho mabuk ndunyo ambruk sukmo.
Nangiake masyarakate seng iseh podho turu, muni krungu nanging ora nggugu. Yen
awake dewe wes iso bangun, yo pancen kudune biso mbangun masyarakate, wong jare
Kanjeng Rasul wong mukmin siji tumeraping wong mukmin liyo iku koyodene
bangunan seng saling menguatkan.[2]”
Akrom:
“Koyo biting yo Leh? Nek dewean dinggo nyapu tugel, tapi nek bareng-bareng iso
kuat ora gampang kesel.”
Sholeh:
“Cucok Krom. Tapi iki iseh durung cukup, yen awak dewe bener-bener pengen entuk
ajirego ing ndalem ngarsane Gusti.”
Akrom:
“Durung cukup?”
Sholeh:
“Iyo durung cukup! Kerono ijeh ono sarat seng terakhir seng paling uangel yoiku
إسْتَقَامَ. Awakmu ngerti Krom إستقام
iku opo?”
Akrom:
“إستقام dak fi’il madhi-ne إستقامة a Leh?”
Sholeh:
“Ahsanta… Sarat seng nomer telu ben awak dewe pikantuk ajirego saking Gusti
yoiku kudu istiqomah. Nalikane wong liyo podho turu, awak dewe iseh tetep tangi
lan lumaku. Nalikane wong liyo podho leren lan mandeg, awak dewe iseh tetep
tumerus kanthi jejeg. Nalikane wong liyo podho nyante-nyante, awak dewe iseh
ora gingsir-gingsir anggene ngabekti lan nyambut gawe. Iki seng paling angel
Krom, wong wes wani melawan arus (anti mainstream).”
Akrom:
“Berarti ora oleh nggolek alasan yo Leh ben awak dewe bener-bener merkoleh ajirego?”
Sholeh:
“Hehe wes ngerti ngono. Yooo wes ayo do jama’ah isya’. Tambah deres udane,
tambah gedhe semangate koyo pasukan Badar!”
Akrom: “Bismillaaah… Allahu Akbarrrr…”
Tidak ada komentar:
Posting Komentar