“Benalu”
(Sholeh
& Akrom Kaping 14)
oleh: Sahal Japara
Akrom:
“Leh, aku bar ndelok TVRI kok
ono seminar HTI jare ape ngedekke khilafah nek Indonesia masamu.”
Sholeh:
“Muktamar krom, ora seminar!
hehe trus gene?”
Akrom:
“Kok gene? iki dak mengancam
Negara Kesatuan Republik Indonesia! berbahaya tenan iki, pengen ngedekke negoro
dewe je!”
Sholeh:
“Iyo tapi dak nyante wae a Krom,
gak usah mbleyer-mbleyer!”
Akrom:
“Nyante piye maksudmu? berarti
kuwe rela nek Negeri kita iki diocar-acir? jangan-jangan awakmu ki wes melu
HTI, iyo tah?”
Sholeh:
“Hehehe kuwe kok lucu siii? malah logika-mu iku seng koyok HTI!”
Akrom:
“Lha kok iso?”
Sholeh:
“Kuwe tak kon nyante, aku malah mbok darani mbelani. iku nek coro ilmu logika
jengene kesalahan dalam berpikir false of thinking[1],
mergo ngarani perkoro sing ono neng wilayah sebagian (بعض) diarani keseluruhan (كل).
aku mangan iwak mosok trus aku mbok arani kucing? aku mangan gedhang mosok aku
trus mbok arani kethek? dak ora to? sakiki pancen usum logika model “catut”
ngene iki. Moco berjenjen darani syi’ah.
Berpikir kritis darani
muktazilah. Moco bukune Marx darani komunis. moco bukune De Saussure
darani strukturalis. Jangan-jangan wong-wong
orientalis seng gawene moco Quran tapi niat nggolek kesalahane iki darani
muslim sejati.”
Akrom:
“Lha trus nek HTI piye?”
Sholeh:
“Nek berdasarkan pengamatanku, alasan HTI kepengen ngedekke khilafah ‘ala
minhajin nubuwwah iku kerono sistem demokrasi terpimpin-e Indonesia iki sistem
seng kufur Krom, kudu diganti karo sistem seng islam, khilafah & syariat.
opo iku jenenge nek gak “false of thinking”? Indonesia = demokrasi,
Amerika = demokrasi, Amerika = negoro
kafir, berarti Indonesia seng nganggo demokrasi yo negoro kafir, kudune
diislamke! ngene iki sing diarani “pinter neng separo”. kudu salto aku nek ngadepi
wong-wong seng pinter tapi separo ngene iki hehe.”
Akrom:
“Nek wes salto trus ngopo Leh?
Hehe”
Sholeh:
“Hehe lha salah dibenerke yo ngotot wae je, rumangasane bener-benero dewe. iki
dalilku endi dalilmu? senengane nek debat ngajak tukaran, andalane ayat-ayat
quran hadits-hadits seng dipahami dhohire bloko, ibarat menehi wong duren seng
diwenehke malah kulite ora durene, iku piye coro? padahal Kanjeng Rasul yo gak
tau ngajari ngono.”
“Kanjeng Rasul ngedekke negoro Madinah iku gak
terus mekso ngislamke Madinah, mergo neng njerone Madinah iku ono wong-wong
Yahudi Nashrani. akhire Madinah dadi negoro seng nduwe undang-undang seng
disepakati rakyate seng diarani piagam Madinah, ora madinah Islamiyyah![2]
Konsep mbangun negoro seng dicontohke Kanjeng Rasul ikilah seng berusaha
dipraktekke poro ulama’ pejuang kemerdekaan kados Simbah KH Hasyim Asy’ari dsb.
Mbah Hasyim ora ngotot ngedekke negoro Islam mergo Indonesia iki rakyate ora
ming wong Islam, akhire disepakati nggawe negoro seng iso ngayomi kabeh, negoro
pancasila! seng neng njerone kesimpen nilai-nilai keislaman.”
“Nek
coro Mbah Gus Dur seng wes tahu lelono tekan ngendi-ngendi iku, ora ono seng
jenenge negoro Islam.[3]
Ngendikane Pak Mahfudz MD barang, ora ono seng jenenge partai Islam![4]
mergo Islam iku gak cocok nek terus dimaknai sebagai “sebuah golongan.” Cocoke
iku diartikan “sebuah kepasrahan” kepada Tuhan. pernah Syekh Muhammad Said
Ramadhan al-Buthi ulama’ kondang songko Syria ditakoni Presidene Syria Bashar
Asad kenopo kok ora ngedekke partai seng Islami nek Syria wong pengikute yo
akeh. Alasane beliau, nek
wes klebu golongan gak ono seng jenenge islam-islaman, seng ono mung
kepentingan! soale nalika ono salah sijine golonganku seng nakal korupsi misale
aku tetep mbelani kerono nde’e
golonganku.[5]
Opo ngono iku gak dzolim jenenge mbelani wong salah?"
Akrom:
“Pancen HTI iku lucu, ditulung
Indonesia malah mentung!”
Sholeh:
“Ngadepi wong-wong seng model setengah-setengah ngono iku angel, pancen koyo
benalu! ape dibabat nde'e rupane ijo koyo godhong-godhong, ora dibabat
mbahayani. wes-wes awak dewe gak usah kegowo emosi Krom, jare WS Rendra kita
ini memang seperti rumput kering, disulut api sedikit langsung terbakar!
tombone opo kuwe ngerti ben rumpute ijo terus?”
Akrom:
“Opo Leh?”
Sholeh:
“Ayo do wudhu ben adhem
hehehe...”
Akrom:
“Siap komandan!!!”
[1] Abdurrahman al-Akhdlori,
Idhoh al-Mubham.
[2] Quraisy Syihab, Sirah
Nabawiyyah.
[3] Abdurrahman Wahid, Islamku
Islam Anda Islam Kita.
[4] Pangendikanipun Pak
Mahfudz MD punika dipun latarbelakangi setunggaling kenyataan bilih kathah
partai ingkang mengatasnamakan agami Islam ananging inggih kathah ingkang sami
korupsi.
[5] Syeikh Muhammad Sa’id
Romadhon al-Buthi wafat dinten Jum’at 23 Maret 2013 wonten masjid keranten
wonten aksi bom bunuh diri saking teroris. Kagem beliau: al-Fatichah.
Tidak ada komentar:
Posting Komentar